Донесете го мирисот на Медитеранот во вашата кујна. Врвен италијански сос за шпагети. Воопшто песто сосовите се нешто што даваат посебност за тестенините, но и за други јадења.
Состојки: 400 гр шпагети, 20 гр путер. За сосот: 30-40 гр свеж босилек, 40 гр грав (големо зрно), 40 гр рендан пекорино, 40 гр рендан пармезан, 3 чешниња лук, 100 мл маслиново масло, сол.
Подготовка: Сварете ги шпагетите во солена вода и исцедете ги. Околу 100 мл од водата оставете ја настрана.
Во сечкалка (кујнски процесор) ставете го босилекот, сварените гравчиња, сирењата и околу 50 гр маслиново масло. Иситнете ги па потоа додајте го останатото масло, сол и се заедно уште еднаш изматете добро.Вака подготвеното песто ставете го во порцeлански сад.
Во широко тавче стопете го путерот, додајте две до три лажици од песто сосот и се заедно кратко измешајте. Додајте ги сварените шпагети и водата која ја сочувавте од варењето.
Шпагетите се служат топли. Измешајте ги добро со сосот и посипете со изрендан пармезан.
Напомена: песто џеновезе можете да го подготвите во поголема количина. Во фрижидер може да стои околу 2 седмици, а се користи и за њоки и за други тестенини.